العائل الوحيد لنا.. زوجة معتقل تطالب بالإفراج عنه “زي المشاهير”

نشر المحامي الحقوقي، خالد علي، رسالة وردته من زوجة محبوس احتياطيًا من محافظة الغربية يدعى وائل أحمد علي القلعي، ألقي القبض عليه في سبتمبر 2019.

وقالت الرسالة التي نشرها خالد علي “زوجي اسمه وائل أحمد علي القلعي، عُمره 47 سنة، بيشتغل في أعمال المعمار “مصيص ويديكورات جبس”، من محافظة الغربية، اتقبض عليه يوم 23 سبتمبر 2019”.

وأضافت الزوجة في رسالتها “رقم القضية 1358 لسنة ٢٠١٩ حصر أمن دولة، والتهمة الانضمام لجماعة إرهابية لأنه عضو في حزب الاستقلال، وهو الآن محتجز في سجن طرة عنبر المزرعة”.

وتابعت “عندي بنين توأم في الابتدائي، والدته مسنة ومريضة بالضغط والقلب وفي حالة صحية سيئة جدا، وكان وائل هو اللي متكفل بمساعدتها وعلاجها.. غير له أخت مطلقة وكنا متكفلين بيها يعني والدته وأخته وعياله غير مصاريف الزيارة.. ليس لي أي مصدر للدخل ولا بشتغل ولا أقدر أتحرك من بيتي علشان حماتي غير قادرة على الحركة نهائي”.

وأردفت “أنا عايشة على مساعدات أهله وأهلي، ومش دايمة كل فترة طويلة وربنا اللي بيسترها، والنبي خرجوه لينا زي ما الناس المشهورة خرجت من السجن”.