شكاوى من سوء حالة رغيف الخبز وتهريبه في الزقازيق

وجه أهالي مركز الزقازيق استغاثات للمسئولين من سوء حالة رغيف الخبز المدعم، وأيضا تهريبه وبيعه في السوق السوداء دون رقابة على المخابز.

وقال أحد المواطنين في شكوى وجهها لمسئولي التموين بالمحافظة “انزلوا الحريري والحناوي وشوفوا السرقة عيني عينك وعيش مش يتاكل”.

وقال آخر “في الزقازيق من بعد الفجر لحد الفرن ما يقفل بيطلع عيش لبتوع التروسيكلات بس وهتلاقي صاحب الفرن معه٥٠٠ بطاقة، وكل ٣٠ بطاقة يضرب بطاقة للمواطن و٣٠ للترَوسيكل وبتاع التموين أقسم بالله في عزبة الحريري مابيخش الفرن ولا بيشوف حاجه يجيله الدفتر وهو قاعد على الموتوسيكل يمضي وطبعًا واخد المعلوم ولا بيتابع وزن وبيشوف حاجة”، وللعلم هو تخين ولابس نضارة ومعاه موتوسيكل هوجن ٥ لونه رصاصي”.

وأضاف مواطن آخر قائلا “بح صوتنا للاسف رغيف الخبز لا مواصفات في ولا وزن وزيت التموين اللتر للاسف ٧٠٠ جرام ويباع على أنه لتر ب ٢٣ جنيه وللاسف بمعرفة بعض مفتشى التموين سلب ونهب الدعم ليل نهار ولا رقيب عليهم”.