في عيد ميلاده الـ71.. ابنة أبوالفتوح: محبوس في ظروف غير آدمية

أرسلت الدكتورة علا أبوالفتوح نجلة الدكتور عبد المنعم أبوالفتوح رئيس حزب “مصر القوية” رسالة عبر “فيسبوك” إلى والدها المحبوس منذ أكثر من 4 سنوات، بالتزامن مع عيد ميلاده الـ71.

وأشارت علا – في رسالتها – إلى أنها كانت تتمنى أن تحتفل بعيد ميلاد والدها وتزوره وتتحدث معه، لكنها لم تتمكن من ذلك.

وقالت: “أنا نفسي بحاول استوعب … ليه والدي في السجن لحد النهاردة … ليه والدي اللي عمره 71 سنه يكون محبوس في ظروف غير آدمية ميستحملهاش شاب عنده 20 سنة!”.

وطرحت مجموعة من التساؤلات قائلة: “ليه كل السنين دي في حبس احتياطي؟.. ليه محبوس انفرادي؟…ليه العزلة عن البشر؟… ليه يتمنع من الخروج من الزنزانة والتريض وقت معقول؟…ليه متنقلش للمستشفى لحد دلوقتي في الوقت اللي حياته في خطر حقيقي طول الوقت؟ … ليه مفيش رعاية طبية ولو بالحد الأدنى اللي يحميه من خطر الموت؟… ليه استمرار التجاهل المتعمد والتعنت وتركه في وضع يقتله؟ …ليه دلوقتي ممنوع من المكتبة والمسجد والكتب والصحف؟ …ليه بتعاملوهم معامله تخالف القانون وضد أبسط قواعد الإنسانية؟ …
أوامر عليا نقلتهم السجن … هل الأوامر العليا قالت ينام على مرتبة على الأرض من غير سرير؟ هل قالت يفضل بنفس لبسه طول الفترة دي؟ من غير كانتين السجن ولا هدوم ولا مغسله؟ هل قالت يتحرم من المتابعة الطبية الدورية رغم خطورة وضعه الصحي؟ ليه متنقلش للمستشفى للرعاية الطبية ولو لحين تجهيز السجن؟”.